صندوق السعادة ـ أول 3 بوكسآت | GlamBox

by - 13:01


بسم الله الرحمن الرحيم




























من فترة وانا اشوف بوكسات قلآم بوكس لكن كنت مترددة اشترك فيهآ
وقبل فترة قررت اشوف آراء البنات اللي اشتركوآ من قبل وكآن الاغلب يمدح تجربتهم  ! 
تحمست وقررت اشترك  ..

فكرة قلآم بوكس .. 
خدمة شهرية يوصلك منهآ صندوق فيه منتجآت ما تقل عن ٤ ، سوآء عينآت أو بحجمها الأساسي ..
هدفهآ إن الشخص يجرب عدد أكبر من المنتجات بدون ما يحتاج يشتريها بحجمها الأساسي وممكن ما تناسبو ،
رآح أتكلم أكثر عن طريقة الآشتراك بتدوينة لوحدها لأن هالتدوينة راح تكون طويلة شوي بمآ أني راح أكتب عن  محتوى البوكسات لثلاثة أشهر ..


البوكس الأول " شهر مارس " .. 

البوكس تأخر علي تقريباً اسبوع أو عشرة ايام ، اتوقع على حسب المناطق تتاخر لان كنت اشوف بحسابهم بالانستقرام البعض وصلهم والبعض زيي ينتظرون ! 

بهالبوكس كآن فيه كوبون عقد من ديتالي مطلي ذهب من موقع ڤانيلا .. 
ولأن البوكس تأخر عليا ف صآر العقد سولت آوت ، لكن ارسلو لنا استبيان نعبيه ووصلنا العقد مع بوكس الشهر الثاني .
راح احط صورتو نهاية البوكس الأول .. 
وكوبون خصم 50% لو حآبة احد يشترك معاهم ،




نجي للمنتجات اللي كآنت بالبوكس .. 
من اليسار ، 
- كريم جيرجنز لليدين والجسم يحتوي على فيتامين سي وبودرة اللؤلؤ ومستخلص الفواكه ويوفر حماية من الشمس بنسبة 15 .. 
الكريم يعمل على إزالة التصبغات وتوحيد لون البشرة  عند الاستخدام لمدة اسبوعين متصلة .. 
لكن للاسف ما استمريت عليه لان لاحظت ان ترطيبو مو قوي وكنت استخدم كريم ثاني فَ استغنيت عنو ..
اللي حابة تشتري المنتج  وتجربو تلاقيه بالدانوب وكآرفور ، بن داوود ، بندا ، التميمي

- عطر فلوريست : كانت عينة للعطر وابداً ابداً ما حبيت ريحتو .. 
سعر العطر الأساسي 450 ريال تقريباً .. متوفر اون لاين .

- ماسك ذا فيس شوب بزبدة الشيا .. 
زي باقي ماسكات ذا فيس شوب نتيجتها مؤقتة ،، لكن حبيت نتيجة الترطيب اللي اعطاني هي ، وممكن اعتمدو قبل الميك اب ..

- عينة لغسول جسم من ذا فيس شوب .. 
غسول مرطب بخلاصة زهرة الفوانيا ، ما جربتو لسه للأسف :/


- واخر شي مسكارا للتكثيف من ايسنس .. 
تقريباً اعتمدت المسكارا هالفترة ، تعطي كثافة وطول حلوين وبنفس الوقت طبيعيين ! 
لو خلصت آكيد حرجع اشتريها ،، 
سعرها 13 ريال ، ما ادري وين تنباع لكن تقدرون تطلبونها من موقع ايسنس .


هذا عقد ديتالي ، كآن لنا الاختيار بين الاشهر أو السنة .. واخترت شهر ميلآدي 3> 


وبكذا خلصنا البوكس الأول .. 





نجي للبوكس الثاني " شهر ابريل " 
ما حبيت هالبوكس كثير :/ 

من اليسار ، 
- الشامبو واكيد معروف ما يحتاج اكتب عنو هههههه

- قلم الحواجب من LA Girl 
ما حبيتو ابداً ، خفيف ولازم تضغطين عشان يبان اللون .. واذا ضغطتي راح ينكسر زي ما صار معايا :)

- كوركتورمن LA Girl ..
معروفة مصححاتهم كويسة وعليها مدح كثير كَ بديل أرخص  .. جربتو مرتين وكآنت النتيجة مقبولة ..
السعر 30 ريال تطلبو منتجاتهم اون لاين ..

- منآكير من LCN ..
ما تحمست يوم شفتو ابداً لان اللون ما يحمس :/ لكن لما قرأت عنو لقيتو خآلي من 5 مواد ضارة ومكوناتو نباتية 
يعني أتوقع راح يكون اخف ضرر على الأظافر 
سعرو 73 ريال 

- لولي بوب ! الصدق حسبتها حلاوة في البداية هههههه لكن طلع قلوس ..
يوم حطيتو حسيت بحرارة خفيفة ، لكم ما شفت أي انتفاخ بسيط عالشفايف ،، لكن عموماً استخدمتو اكثر من مرة 
حلو وخفيف حبيتو .
سعرو 61 موجود بصيدلية وايتس .



آخر بوكس وصلني " شهر مايو " 
أكثر بوكس حبيتو ، محتوياتو كآنت .. 

- محدد شفايف من وجوه ، غني عن التعريف أكيد ، اللون يجنن ومن الدرجات اللي احبها .. 

- غسول للجسم من QV .. ومعروفة منتجاتهم في الترطيب .

- ماسكارا من ايسنس برضو ، لكن مو نفس اللي بالبوكس الأول وما جربتها لسه .. 

- ماسك ترطيب للبشرة من pfc لسه ما جربتو لكن متحمستلو لان مدحوه ليا البنات . 

- عدسات يومية من الحب " فريش لوك " على قد ما اجرب عدسات ارجع لهم .. 
للاسف اللون طلع عندي من أول لكن برضو انبسطت فيها هههههه 


مع البوكس جآني كارد عليه خصم 30% لاشتراك 12 شهر 
اللي حاب يشترك معاهم هذا الكود 
( GBLOVE30 ) 
ينتهي بتاريخ 14 JUNE 
وفي حسابهم عالانستقرام منزلين كود خصم 50% بمناسبة العيد
برضو على اشتراك الـ 12 شهر .. 


وبس ، ان شاء الله راح اكمل معاكم البوكسات الجاية 
ولو حابين تعرفو اسعار أو معلومات أكثر عن المنتجات اسألوني ورآح احاول افيدكم قد ما اقدر ،،

You May Also Like

4 التعليقات

  1. Sands Casino: 50 Free Spins No Deposit
    The Sands fun88 soikeotot Casino is a 메리트카지노 five-reel casino offering a huge collection of slots, table games, bingo, live dealer games and 샌즈카지노 more.

    ردحذف
  2. Elephant numbers there have increased causing conflict with local communities and the destruction of crops. -> 카지노커뮤니티

    ردحذف
  3. Some countries in the region, including Zimbabwe, are calling for a lifting of the global ban on the ivory trade, because the elephant population is growing and fatal accidents with humans have increased.

    ردحذف
  4. Egypt has signed a raft of deals with Saudi Arabia worth nearly $8bn (£6.5bn) during a visit to Cairo by the Gulf kingdom’s de facto ruler, Crown Prince Mohammed bin Salman.

    ردحذف